მათემატიკა: 2016

Monday, May 16, 2016

გაკვეთილის გეგმა

ქ. რუსთავის #2 საჯარო სკოლის მათემატიკის

პედაგოგი ხათუნა ლაშაური

გ ა კ ვ ე თ ი ლ ი ს დ ა გ ე გ მ ვ ი ს ს ქ ე მ ა

VI კლასი

გაკვეთილის / აქტივობის ძირითადი მიზანი

სტატისტიკა, მონაცემთა ანალიზი, შემაჯამებელი რიცხვითი მახასიათებლები,საშუალო,მოდა

ც ო დ ნ ა: მოსწავლემ იცის მონაცემთა შეგროვების ხერხები. მათი კლასიფიკაცია. შეუძლია სიხშირეთა ცხრილის, დიაგრამის (სვეტოვანი, წრიული) პიქტოგრამის აგება.

უ ნ ა რ ე ბ ი: მოსწავლე შეძლებს დიაგრამების მიხედვით მონაცემების პოვნას და სხვადასხვა ინფორმაციის მოპოვებას. შეძლებს მონაცემთა საშუალოს და მოდის პოვნას. მათ გამოყენებას ყოფა-ცხოვრებაში.

გაკვეთილის / აქტივობის გეგმა

მოსწავლეთა დაჯგუფების ფორმები: მთელი კლასი და ჯგუფები.

სასწავლო მასალა: ბარატები ჯგუფური დავალებით, ინდივიდუალური დავალებით, მათემატიკის სახელმძღვანელო (VIკლ. ავტ:გოგიშვილი, ვეფხვაძე) დაფა, ცარცი, დიაგრამები, ცხრილები, ბარათები, პოსტები

გაკვეთილის / აქტივობის ეტაპები

I წინასწარ

მოსწავლეთა აღრიცხვა, სასინაო დავალების გამოკითხვა

II განმავობაში

მონაცემთა რიცხვითი მახასიათებლების: საშუალო , მოდა განხილვა

ა) აქტივობა: ამოცანების ამოხსნა;

ბ) აქტივობა: მუშაობა ჯგუფებში;

გ) აქტივობა: კავშირი ყოფა-ცხოვრებაში;

დ) აქტივობა: სახელმძღვანელოზე მუშაობა.

გაკვეთილის თანმიმდევრობა:

აქტივობა 1.

სამოტივაციო საუბარი

აქტივობა 2.

კლასს ვყოფ ჯგუფებად (5–6 მოსწავლე), რომელთაც ვთავაზობ ამოცანებს:

1.ქვეყნის მოსახლეობის სიმჭიდროვის დადგენა, რისთვისაც საჭიროა:

ცნობარებში და ინტერნეტში ინფორმაციის მოპოვება.

მოსახლეობის რაოდენობის გაყოფა ქვეყნის ტერიტორიის ფართობზე.

მონაცემთა მოხერხებული წარმოდგენა სიხშირეთა ცხრილის და პიქტოგრამისსახით

კლასიფიცირებული მონაცემების წარმოდგენა სვეტოვანი და წრიულიდიაგრამით.

აქტივობა 3. პრეზენტაცია

ჯგუფები კლასის წინაშე წარმოადგენენ საკუთარ ნამუშევრებს.

აქტივობა 4. შეფასება

შეფასდება თითოეული ჯგუფის მიერ წარმოგენილი ნამუშევრები.

III შემდეგ

მოსწავლეები იმუშავებენ ნაწილობრივ კლასში ერთობლივად, ნაწილობრივ კი შინ დამოუკიდებლად. შედეგებს ერთობლივი ინტერაქციით განვიხილავთ. შედეგი ნათელყოფს, თუ რამდენად არის მიღწეული მიზანი, ვის ესაჭიროება დახმარება. ამის მიხედვით დაიგეგმება მომდევნო გაკვეთილები.

გაკვეთილის სასწავლო მიზნები :

მოსწავლეს გამოუმუშავდეს რაიმე მოვლენის,პროცესისშესწავლისათვის საჭირო მონაცემების მოპოვებისთვის შესაფერისისაშუალებების შერჩევის უნარი.

მოსწავლეს შეეძლოს მოპოვებული მონაცემების მოწესრიგება. მონაცემებისკლასიფიკაცია რაიმე თვისების ან რაოდენობის მიხედვით.

მონაცემების წარმოდგენა სიხშირეთა ცხრილის ან პიქტოგრამის სახით.

მოსწავლე გაიწაფოს კლასიფიცირებული მონაცემების სვეტოვანი და წრიულიდიაგრამით წარმოდგენაში.

ეროვნული სასწავლო გეგმით განსაზღვრული მისაღწევი შედეგი/ინდიკატორი:

მათ.VI.11. მოსწავლე მოიპოვებს საჭირო თვისობრივ და რაოდენობრივმონაცემებს. შედეგი თვალსაჩინოა, თუ მოსწავლე:

ირჩევს მონაცემთა შეგროვების საშუალებას (მონაცემთა ამოკრება მოცემულიერთობლიობიდან) და იყენებს მას.

მათ. VI. 12. აწესრიგებს და წარმოადგენს თვისობრივ და რაოდენობრივმონაცემებს დასმული ამოცანის ამოსახსნელად ხელსაყრელი ფორმით:

ქმნის მონაცემთა ცხრილებს.

აგებს წრიულ და სვეტოვან დიაგრამებს

პრეზენტაცია,თემა ოქროს კვეთა ვეფხისტყაოსანში

ოქროს კვეთა ლიტერატურაში

“გეომეტრიული სიმეტრიის” უკანასკნელ ბურჯს ხმელთაშუა ზღვის კულტურის არეალში შუა საუკუნეებში მომძლავრებული ქრისტიანობა წარმოადგენდა. კერძოდ, ქართული არქიტექტურა და სახალხო ხელოვნება. ამას გვიდასტურებს მცხეთის ჯვრის არქიტექტურის და ატენის სიონის ფრესკების ანალიზი, რომლებიც ქართველმა მხატვარმა პროფესორმა სერგო ქობულაძემ გააკეთა. მან პირველმა გააანალიზა ქართული ძეგლები “გეომეტრიული სიმეტრიის” თვალსაზრისით. უეჭველია, რომ ეს სისტემა გაბატონებული იყო ძველი ქართული სივრცითი ხელოვნების ყველა ძირითად სფეროში, რაც ეროვნული კულტურის მაღალ დონეზე მიუთითებს. მაგალითისთვის მინდა მოვიყვანო ყველა ეპოქის უბრწყინვალესი პოემა, შ. რუსთაველის “ვეფხისტყაოსანი”. გ. წერეთელმა ო.კ.-ის საფუძველზე სცადა აეხსნა “ვეფხისტყაოსნის” ლექსთაწყობის საკითხები. როგორც მოგეხსენებათ, ვეფხისტყაოსნის თითოეულ სტროფში 4 კარედი და 16 მარცვალია. მათი საზღვარი ზუსტად სიტყვების გასაყარზე მოდის. ეს დაყოფა ნახევარკარედებში ორგვარია: 4/4 – სიმეტრიული და 5//3, ან 3//5 – ასიმეტრიული. პირველს მაღალი შაირი ეწოდება, მეორეს – დაბალი, რომელიც ო.კ.-ის პროპორციითაა აგებული (5,3//3,5; 3,5//5,3; 3,5//3,5; 5,3//5,3). მაგ.:

“გახარებოდა ხვარაზმშას // სიხარულითა დიდითა;”

“მიღწვიან, მომიგონებენ // დამლოცენ, მოვეგონები.”

თითოეული სტრიქონი ორი ნაწილისაგან შედგება. ვუწოდოთ მათ ნახევარსტრიქონები. ეს უკანასკნელები 8 მარცვლისაგან შედგება. საინტერესოა, რომ არა გვაქვს შემთხვევა, როცა სიტყვის ნაწილი ერთ-ერთ ნახევარსტრიქონშია, მეორე-მეორეში. თითოეულ ნახევარსტრიქონში ორ-ორი სიტყვაა-სამმარცვლიანი და ხუთმარცვლიანი. თუ შევეცდბით და 8-ს ოქროს კვეთის პროპორციით გავყოფთ, მიახლოებით 3 და 5-ს მივიღებთ

ოქროს კვეთა მუსიკაში

ნებისმიერ მუსიკალურ ნაწარმოებს გააჩნია დროში განფენილობა და იყოფა ”ესთეტიკურ საფეხურებად”. ნაწარმოების ცალკეული ინტერვალები ერთდება ”კულმინაციური მომენტით” და ოქროს კვეთის თანაფარდობაში იმყოფება.

ოქროს კვეთა ვლინდება ბეთჰოვენის ნაწარმოებების 97%-ში, ჰაიდნის ნაწარმოებების 97%-ში, მოცარტის - 91%-ში, შოპენის - 92%-ში, შუბერტის - 91%-ში. ოქროს კვეთა ვლინდება ასევე ბახისა და ვაგნერის ნაწარმოებებში.

ოქროს კვეთა და ქრისტიანული საგალობლები

წმინდა ანდრია კრიტელის ,,სინანულის კანონი’’

კანონის კომპოზიცია შუასაუკუნეების აზროვნების ერთ-ერთ თვისობრივ (ძირითად) პრინციპს ეყრდნობა. სამნაწილიანობა, საზოგადოდ, გავრცელებული ლოგიკაა ფორმის ქმნადობაში. მაგრამ აქ კიდევ ერთ სიმეტრიულ საყრდენთან გვაქვს საქმე. მეექვსე გალობის შემდეგ, კონდაკი აძლიერებს სიმძიმის ცენტრს, განაზოგადებს კანონის იდეას და ციკლის კულმინაციის ფუნქციას იძენს. კონდაკის შემდეგ, ბოლო სამ გალობაში სინანულთან ერთად სულიერი გადარჩენის იმედიც შემოდის, რაც ტექსტში ახალი აღთქმის მოვლენების დომინირებით, მუსიკაში კი დინამიკის შეცვლით გამოიხატება. ამ მიდგომით კრიტელის კანონი შეიძლება ორ არათანაბარ ნაწილად დავყოთ (6+3) და შუასაუკუნეების ესთეტიკის შესაბამისად, კონდაკი ,,ოქროს კვეთის” ადგილზე მოვიაზროთ. დაყოფა ხდება ისეთი ჰარმონიული შეფარდებით, როცა მთელის ორ ტოლ ნაწილად დაყოფისას მცირე ისე შეესაბამება დიდს, როგორც დიდი მთელს